energoefeqturobis centris yovelkvireuli energetikuli macne

#05

2019

 

 

  1. აშშ-ს აკრძალვებმა შეიძლება ჩინეთს და ინდოეთს იაფი ვენესუელური ნავთობის დღესასწაული მოუწყოს

  2. ენერგიის შენახვის ახალი ნაკლებსავარაუდო ვარიანტი

  3. ჩინეთი 2021 წლისათვის გადაასწრებს დიდი ბრიტანეთს ოფშორული ქარის სფეროს ლიდერობაში

  4. 2019 წელს ქარი გადააჭარბებს ჰიდროს, როგორც განახლებადი ენერგიის № 1 წყარო აშშ-ში 

  5. EIA -ს პერსპექტივა 2019 წლისათვის: „უკიდურესად კონსერვატიული“ არგუმენტი ენერგიის განახლებადი წყაროების სასარგებლოდ  

  6. 2018 გახდა რეკორდული წელი ეკოლოგიურად სუფთა ენერგიის კორპორატიული კონტრაქტებისთვის

  7. მცენარეები და ნიადაგი მიუახლოვდნენ СО2-ის შთანთქმის ზღვარს 

  8. CO2-ის გლობალური პროგნოზი 2019 წლისათვის „შემაშფოთებელია“

  9. პუბლიკაციები

  10. ღონისძიებები

 

 
 
 
 

აშშ-ს აკრძალვებმა შეიძლება ჩინეთს და ინდოეთს იაფი ვენესუელური ნავთობის დღესასწაული მოუწყოს

დონალდ ტრამპის შესაძლო ნაბიჯმა - დაარტყას ვენესუელის ნავთობის მრეწველობას - შეიძლება სარგებელი მოუტანოს ჩინეთის და ინდოეთის ადმინისტრაციებს.

თუ აშშ გადაწყვეტს გამოიყენოს სანქციები ლათინური ამერიკის ქვეყნის წინააღმდეგ, ამერიკელი ნავთობგადამამუშავებლები - ვენესუელური ნავთობის ექსპორტის №1 მომხმარებლები - იძულებულნი გახდებიან შეწყვიტონ შესყიდვები. ეს კი ნიშნავს, რომ უფრო მეტი მიწოდება იქნება ხელმისაწვდომი სხვა მსხვილი მომხმარებლებისთვის - ჩინეთისა და ინდოეთისთვის.

შესაძლებლობა, აითვისონ დამატებითი მიწოდება ვენესუელიდან პოტენციურად დაბალი ფასებით, საჩუქარი იქნებოდა აზიური ქვეყნებისათვის, სადაც მთავრობები ცდილობენ დაეხმარონ შენელებულ ეკონომიკურ ზრდას. ჩინეთში მთავრობა ცდილობს გაატაროს მასტიმულირებელი ღონისძიებები, რათა დაიცვას საზოგადოება აშშ-სთან სავაჭრო ომის შედეგებისგან. ამ დროს, ინდოეთის მმართველი პარტია აღმოჩნდა პოპულისტური ზეწოლის ქვეშ ეროვნული არჩევნების წინ, რომელიც ჩატარდება მაისში.


წყარო:  oilandgaspeople.com

 

ენერგიის შენახვის ახალი ნაკლებსავარაუდო ვარიანტი

ათწლეულების განმავლობაში ჩრდილოეთის ზღვა იყო ნავთობისა და გაზის მსოფლიო მიწოდების დიდი ნაწილის შემადგენელი.

იმის და მიხედვით, როგორ ვითარდებოდა ტექნოლოგიები და იზრდებოდა კლიმატის ცვლილების პრობლემები, ჩრდილოეთის ზღვა ასევე გახდა ლიდერი ქარის ენერგოდანადგარების მონტაჟისა და ინოვაციების სფეროში.

ჩრდილოეთის ზღვის ქვეყნებისა და განახლებადი ენერგიის პროექტებისათვის მთელ მსოფლიოში მთავარი პრობლემა ენერგომოხმარების სტრუქტურაში განახლებადების წილის გაზრდაში მდგომარეობს იმაში, რომ მოიძებნოს ენერგიის შენახვის საიმედო და ეკონომიკურად ეფექტური მეთოდი, ისე, რომ ამ ენერგიის გამოყენება შეიძლებოდეს საჭიროებისთანავე.

ედინბურგის უნივერსიტეტის მეცნიერთა ჯგუფის მიერ ჩატარებული კვლევის თანახმად, ჩრდილოეთის ზღვის ფსკერზე არსებული ფოროვანი კლდოვანი ფენები შეიძლება გამოდგნენ ენერგიის შესანახად.


წყარო:  oilandgaspeople.com

 

სარჩევში დაბრუნება

 
 
 

 

ჩინეთი 2021 წლისათვის გადაასწრებს დიდი ბრიტანეთს ოფშორული ქარის სფეროს ლიდერობაში

დიდი ბრიტანეთი, რომელიც ამჟამად ლიდერობს ოფშორული ქარის დანადგარების სფეროში, მალე დაუთმობს ამ ტიტულს ჩინეთს, მიუხედავად 2030 წლისათვის სიმძლავრეების გაორმაგების გეგმისა. ანალიტიკური ფირმა FTI Consulting ვარაუდობს, რომ ჩინეთის ოფოშორული სიმძლავრეები გადააჭარბებს დიდი ბრიტანეთისას 2021 წლის შემდგომ.

მოსალოდნელია, რომ ამ წელს ჩინეთში იქნება თითქმის 10,9 გვტ ქარის დანადგარების ჯამური სიმძლავრე, დიდ ბრიტანეთში კი 10,4 გვტ-ზე ნაკლები. ჩინეთი კვალდაკვალ მიდსევთ დიდ ბრიტანეთს 2017 წლიდან, როცა ჩინეთის ოფშორულმა ქარის დანადგარებმა გადალახეს 1 გვტ-იანი მიჯნა. 2019 წლიდან, FTI Consulting-ის პროგნოზით, ჩინეთი ყოველწლიურად დაამონტაჟებს 2 გვტ-ს ახალ სიმძლავრეებს, ეასაც გაზრდის 4 გვტ-მდე 2025 წლისათვის. ამისგან განსხვავებით, მოელიან, რომ ვერ მიაღწევს წლიურ 2 გვტ-ს 2024 წლამდე.


წყარო: greentechmedia.com

 

2019 წელს ქარი გადააჭარბებს ჰიდროს, როგორც განახლებადი ენერგიის № 1 წყარო აშშ-ში

ენერგეტიკული ინფორმაციის ადმინისტრაციის მონაცემების თანახმად, ქარის ენერგია ისე ვითარდება, რომ 2019 წელს გადააჭარბებს ჰიდროენერგეტიკას, როგორც განახლებადი ელექტროენერგიის უმსხვილეს წყაროს აშშ-ში.

ჰიდროენერგიას აშშ-ში აქვს საუკუნოვანი ისტორია, და ისეთი სადგურები, როგორიცაა ჰუვერის კაშხალი 2000 მეგავატი სიმძლავრით და გრანდ-კულის კაშხალი 6800 მეგავატით, უწინდებურად აღემატება დანარჩენ ელექტროსადგურებს. თუმცა ბოლო 20 წლის მანძილზე ქვეყანაში პრაქტიკულად არ დამატებულა ახალი ჰიდროენერგეტიკული სიმძლავრეები, ახალი სადგურების განლაგების და მშენებლობის სირთულეების გამო გარემოს დაცვის თანამედროვე სისტემაში, ხოლო ქარის ახალი ელექტროსადგურების სისტემატურმა გახსნამ შეცვალა სიტუაცია დარგში.

ჰიდროენერგეტიკა შეინარჩუნებს გამომუშავების მუდმივ წილს გენერირებაში, მაგრამ მეორე ძველი მდგრადი წყარო - ქვანახშირი შემცირდება გამომუშავების 28%-დან 24%-მდე 2020 წელს. ბუნებრივი აირი შეიწოვს ამ შემცირების ნაწილს და გაიზრდება 35%-დან 37%-მდე, მაშინ როცა ენერგიის განახლებადი წყაროები, რომლებიც არ არიან დაკავშირებული ჰიდროენერგეტიკასთან, გაზრდიან ელექტროენერგიის წარმოებას 10-დან 13 პროცენტამდე.

წყარო: renewableenergyworld.com

 

სარჩევში დაბრუნება

 

EIA -ს პერსპექტივა 2019 წლისათვის: „უკიდურესად კონსერვატიული“ არგუმენტი ენერგიის განახლებადი წყაროების სასარგებლოდ

გასულ კვირას აშშ-ს ენერგეტიკული ინფორმაციის ადმინისტრაციამ გამოაქვეყნა ფედერალური მთავრობის ყოველწლიური გრძელვადიანი ანგარიში ენერგეტიკული პერსპექტივების შესახებ. მნიშვნელოვანი საკითხები ფოკუსირებულია აშშ-ში ნავთობისა და გაზის მზარდ წარმოებაზე, რაც, როგორც EIA მოელის, გახდის აშშ-ს ენერგიის სუფთა ექსპორტიორად 2020 წელს. შედარებისთვის, EIA-ს პროგნოზი სუფთა ენერგიის ზრდის თაობაზე გაცილებით მოკრძალებულია.

აშშ-ს 70 წლის განმავლობაში არ მოუხდენია იმაზე მეტი ენერგიის ექსპორტი, ვიდრე იყო იმპორტირებულია. ცვლილებები მოხდა ძირითადად ნედლი ნავთობის და ბუნებრივი აირის მოპოვების მასიური ზრდის წყალობით, აგრეთვე იმის დამსახურებით,რომ ხალხი ნაკლებ ენერგიას მოიხმარს.

გარდა ამისა, იმ დროს როცა 2019 წლის ენერგეტიკული პროგნოზი იტყობინება განახლებადი წყაროებიდან ელექტროენერგიის გამომუშავების სწრაფი ზრდის შესახებ მოკლევადიან პერსპექტივაში, იგი ხატავს ნაკლებდამაიმედებელ სურათს აშშ-ში ენერგიის განახლებადი წყაროების გამოყენების გრძელვადიანი ზრდისა. EIA პროგნოზირებს მზის და ქარის ენერგიის ზრდას, მაშინ როცა მოსალოდნელია, რომ ბუნებრივი აირის გამოყენება გააგრძელებს ზრდას, როგორც აშშ-ს გენერაციის ძირითადი წყარო.


წყარო: greentechmedia.com
 

 

2018 გახდა რეკორდული წელი ეკოლოგიურად სუფთა ენერგიის კორპორატიული კონტრაქტებისთვის

Bloomberg New Energy Finance-ს (BNEF) და ქარის ენერგიის ამერიკული ასოციაციის ანგარიშების თანახმად, 2018 გახდა ეკოლოგიურად სუფთა ენერგიის კორპორატიული კონტრაქტების ბუმის წელი.

BNEF-ის მონაცემები აჩვენებს, რომ კორპორაციების მიერ ხელმოწერილი კონტრაქტები ეკოლოგიურად სუფთა ენერგიაზე ორჯერ და მეტად გაიზარდა 2017-2018 წლებში და მიაღწია 13,4 გიგავატს. კონტრატები დადებულია 21 ქვეყნის 121 კორპორაციის მიერ. უმეტესობა იყო აშშ-ში, რომლის წილად მოდის მთელი მსოფლიოს გარიგებების 60% (8,5 გიგავატი).

ამერიკის ქარის ენერგიის ასოციაციის (AWEA) ანგარიშში (რომელიც მოიცავს მხოლოდ აშშ-ს) აღნიშნულია ქარის ენერგიის შესყიდვების კონტრაქტების 66-პროცენტიანი ზრდა, ამასთან გასულ წელს კომპანიებმა ხელი მოაწერეს კონტრაქტებს 4 203 მეგავატის შესყიდვებს.


წყარო: greentechmedia.com

 

სარჩევში დაბრუნება

 

 

     

მცენარეები და ნიადაგი მიუახლოვდნენ СО2-ის შთანთქმის ზღვარს

ნიადაგმა და მცენარეებმა, რომლებიც შთანთქავენ ნახშირორჟანგს დედამიწის ატმოსფეროდან, შეიძლება მიაღწიონ ამ შთანთქმის ზღვარს, რაც მიუახლოვებს ჩვენს პლანეტას იმ შეუქცევადობის წერტილამდე, როცა საქმე მივა კლიმატის შეცვლამდე. ეს არის წამყვანი მეცნიერების ბოლოდროინდელი შეტყობინება.

დღეისათვის დედამიწის ბიოსფერო, რომელიც შედგება მიწისაგან და მიწის მცენარეულობისგან, შთანთქავს ადამიანის მიერ გამოწვეული ნახშირორჟანგის ემისიების დაახლოებით 25 პროცენტს. მაგრამ ბიოსფეროში ტენიანობის დონე გავლენას ახდენს მის მიერ შთანთქმის რაოდენობაზე. იმის მიხედვით, რომ დედამიწა განიცდის ექსტრემალური გვალვისა და წვიმების მეტ პერიოდებს, შთანთქმის ეს ბუნებრივი უნარი არის რისკის ქვეშ, ასკვიან ჟურნალ Nature-ში გამოქვეყნებული კვლევის ავტორები. თავის მხრივ, ნახშირორჟანგის შემდგომმა დაგროვებამ შეიძლება გამოწვიოს გლობალური დათბობის დაჩქარება.


წყარო: newsweek.com

 

  

 

CO2-ის გლობალური პროგნოზი 2019 წლისათვის „შემაშფოთებელია“

მეტეოროლოგიური ბიუროს პროგნოზის თანახმად, ატმოსფეროში ნახშირორჟანგის (CO2) შემცველობის დონე, რაც კლიმატის დათბობას იწვევს, 2019 წელს გაიზრდება თითქმის რეკორდულ ნიშნულამდე.

ეს ზრდა გამოწვეულია წიაღისეულის სათბობის წვით და ტყეების განადგურებით, და ეს განსაკუთრებით მწვავე იქნება 2019 წელს ელ-ნინიოს მსგავს პირობებთან მოსალოდნელი დაბრუნებით. კლიმატის ეს ბუნებრივი ცვლილება იწვევს თბილ და მშრალ ამინდებს ტროპიკებში, რაც ნიშნავს, რომ იმ მცენარეთა ზრდა, რომლებიც შთანთქავენ CO2-ს ჰაერიდან, შეზღუდული იქნება.

სათბური გაზების ის დონე, რაც ამჟამადაა, არ ყოფილა 3-5 მილიონი წლის განმავლობაში, როდესაც გლობალური ტემპერატურა იყო 2-3°C-ით მეტი, ხოლო ზღვის დონე იყო 10-20 მეტრით მაღალი. გაეროს პროგნოზით, კლიმატზე ზემოქმედება უნდა გაიზარდოს ხუთჯერ, რათა დათბობა შეიზღუდოს 1,5°C-იტ მეტ ნიშნულზე, ვიდრე იყო ინდუსტრიალიზაციამდე. მაგრამ ბოლო ოთხი წელი იყო ყველაზე ცხელი დაკვირვების მთელ პერიოდში, და გლპბალური ემისიები მცირე პაუზის შემდეგ კვლავ იზრდება.

წყარო: theguardian.com

 

 

სარჩევში დაბრუნება

 

 

 

 ძლიერი წყალმოვარდნების რისკი ქ. თბილისში ნ. ჟვანიას ქუჩაზე (ვარაზისხევი)

2015 წლის 13 ივნისს მდ. ვერეს წყალმოვარდნით გამოწვეული კატასტროფის ანალიზმა ცხადყო, რომ მსგავსი შედეგების მომტანი წყალმოვარდნების ხდომილობის ალბათობა ქ. თბილისის საზღვრებში, მდ. მტკვრის სხვა შენაკადებზეც, საკმაოდ მაღალია. აღნიშნულის გათვალისწინებით, CENN-მა საჭიროდ ჩათვალა ქ.თბილისში მდ. მტკვრის სხვა შენაკადებისთვისაც დამახასიათებელი ჰიდროდინამიკური და მორფოდინამიკური პირობების ვიზუალური შეფასების აუცილებლობა. ჩატარებული დაკვირვებების შედეგები აისახა ორგანიზაციის მიერ 2016 წ. გამოქვეყნებულ პუბლიკაციაში „თბილისის ბუნებრივი კატასტროფები“.

პუბლიკაციის სრულად სანახავად, გთხოვთ ეწვიოთ შემდეგ ბმულს.

 

EUBCE 2017 - ევროპის ბიომასის კონფერენციის და გამოფენის დოკუმენტები

საერთაშორისო ენერგეტიკულმა ქარტიამ გამოაქვეყნა 2017 წლის წლიური ანგარიში 
 

 

სარჩევში დაბრუნება

 

 

 

მრეწველობაში ენერგოეფექტურობის საერთაშორისო კონფერენცია

28 თებერვალი, 2019 წ.

ველსი, ავსტრია

 

ელექტროავტომობილების დამუხტვა

14 - 15 მარტი 2019, სინგაპური

4 - 5 ივლისი 2019, ლონდონი

ტელ. +6325 0254 ან ელ-ფოსტა: reanne@infocusinternational.com


Intersolar Europe 2019

კონფერენცია და გამოფენა

თარიღი: 15-17 მაისი, 2019

ადგილი: Messe München, მიუნხენი, გერმანია


მწვანე ენერგეტიკის საერთაშორისო კონფერენცია

თემა: განახლებადი ენერგია და ახალი ტექნოლოგიები

თარიღი: 01-02 აპრილი, 2019

ადგილი: ამსტერდამი, ნიდერლანდები

 

განახლებადი და ალტერნატიული ენერგიები

26 - 29 აგვისტო 2019, დუბაი | 18 - 21 ნოემბერი 2019, სინგაპური

ტელ. +6325 0254 ან ელ-ფოსტა: reanne@infocusinternational.com

 

სარჩევში დაბრუნება