< Newsletter Week-15    

ენერგოეფექტურობის ცენტრის ყოველკვირეული ენერგეტიკული მაცნე

#15

2019

 

 

  1. ვატიკანი გეგმავს დამატებით შეხვედრას Big Oil კომპანიებთან კლიმატის ცვლილების საკითხების განსახილველად

  2. პაკისტანის პრემიერ-მინისტრი მიანიშნებს ნავთობის მსხვილი მარაგების ძიებაზე

  3. იტალიას დასჭირდება ენერგიის შენახვის შესაძლებლობები განახლებადების 40 გვტ-ს დასაბალანსებლად

  4. Mercury დაიწყებს 119 მვტ სიმძლავრის ქარის ელექტროსადგურის მშენებლობას

  5. რატომ დომინირებენ ლითიუმ-იონური ტექნოლოგიები ენერგიის შენახვის მომავალში 

  6. ნახშირის გამოყენების ეტაპობრივი ჩანაცვლება ბიოენერგიით დანიაში

  7. ქალაქების ისტორიაში პირველი სამიტი მოუწოდებს ქალაქის ინფრასტრუქტურისადმი კომპლექსური მიდგომისაკენ 

  8. ბუნებრივ სამყაროს შეუძლია გვიხსნას კლიმატური კატასტროფისგან

  9. პუბლიკაციები

  10. ღონისძიებები

 

 
 
 
 

ვატიკანი გეგმავს დამატებით შეხვედრას Big Oil კომპანიებთან კლიმატის ცვლილების საკითხების განსახილველად

რომის პაპის ფრანცისკის კლიმატის ცვლილებასთან ბრძოლის კამპანიის ფარგლებში ვატიკანმა მსხვილ ნავთობკომპანიებს გაუგზავნა მეორე მოწვევა, რათა მონაწილეობა მიიღონ მათი კომპანიების როლის განხილვაში დაბინძურების წარმოქმნასა და მის შემცირებაში.

იმ ადამიანების სიტყვებით, რომლებიც იცნობენ გეგმას, BP Plc-ს და Eni SpA-ს ხელმძღვანელები არიან ორდღიანი შეხვედრაზე მიწვეულთა სიაში, რომელიც გაიმართება 13-14 ივნისს. ოფიციალური პირები შეიძება შეხვდნენ პაპს მეორე დღეს, განაცხადეს მათ.

ExxonMobil-ის, Eni-ს და BP-ს გენერალური დირექტორები, აგრეთვე ლარი ფინკი, კორპორაცია BlackRock-ის აქტივების მმართველი, მონაწილეობდნენ ანალოგიურ შეხვედრაში გასულ წელს, რომელზეც ისინი შეთანხმდნენ, რომ მსოფლიოს ესაჭიროება გადასვლა დაბალნახშირბადიან საწვავზე საკმარისი მიწოდების უზრუნველყოფით. მას შემდეგ მიღწეულია უმნიშვნელო პროგრესი ამ შეხვედრაზე შეთანხმებულ ზოგიერთ საკვანძო მომენტში, როგორიცაა ფასწარმოქმნა ნახშირბადზე.


წყარო:  oilandgaspeople.com

 

 

ვენესუელაში ნავთობის მოპოვება ორჯერ შემცირდა ელექტროენერგიის გათიშვების პერიოდში

7 მარტიდან ქვეყნის დიდი ნაწილში დაწყებული ელექტროენერგიის მასიური გათიშვების შედეგად ნავთობის ჭაბურღილების უმეტესობა პარალიზებული იყო, ისინი ეტაპობრივად შედიან მწყობრში. ხალხი ამბობს, რომ რომ ნავთობის მოპოვება შეადგენდა საშუალოდ 600,000 ბარელს დღეში, თუმცა ეს ინფორმაცია საჯარო არ არის. სრული თვის განმავლობაში ყოველდღიურმა მოპოვებამ შეადგინა 890,000 ბარელი, თანახმად Bloomberg-ის მიერ ჩატარებული ოფიციალური პირების და ანალიტიკოსების გამოკითხვისა.

ელექტროენერგიის გათიშვების გამო წარმოების დანაკარგები კიდევ ერთი დარტყმაა ვენესუელის ისედაც შემცირებული ნავთობის მრეწველობისთვის, რომელიც უკვე შერყეულია მრავალწლიანი ცუდი მენეჯმენტისა და აშშ-ს სანქციების გამო, რამაც მას უმსხვილესი მომხმარებელი დააკარგვინა. ქვეყანაში ნედლი ნავთობის მოპოვება არის ერთ-ერთი იმ მცირე რაოდენობის ფულადი წყაროებიდან ნიკოლას მადუროს რეჟიმისათვის, და ეს წყარო შემცირდა ორი მესამედით მას შემდეგ, რაც PDVSA-ს მუშებმა გამოაცხადეს გაფიცვა 2002 წლის დეკემბერში.


წყარო:  oilandgaspeople.com

 

სარჩევში დაბრუნება

 
 
 

 

იტალიას დასჭირდება ენერგიის შენახვის შესაძლებლობები განახლებადების 40 გვტ-ს დასაბალანსებლად

იტალიამ უნდა გააორმაგოს თავისი შესაძლებლობები ენერგიის შენახვისათვის, თუკი უნდა რომ შეამციროს გარემოს დაბინძურება წიაღისეული საწვავის დაწვით, განაცხადა ქვეყნის ელექტროგადამცემი ქსელის ხელმძღვანელმა.

Terna SpA-ს გენერალურმა დირექტორმა ლუიჯი ფერარისმა განაცხადა, რომ იტალიას დასჭირდება 6 გიგავატამდე სიმძლავრის აკუმულირების შესაძლებლობები 2030 წლისათვის, რათა დააბალანსოს ენერგიის განახლებადი წყაროების ბუმი. აკუმულირება - ეს არის ერთ-ერთ ხერხი, რისი საშუალებითაც ენერგოსისტემას შეუძლია გააწონასწოროს ენერგიის წყვეტილი ნაკადები ქარის და მზის ფერმებიდან, რომლებიც ახდენენ გენერირებას მხოლოდ მაშინ, როცა ქარიანი ან მზიანი ამინდია.

კომენტარები ასახავს, თუ როგორ მოახდენს Terna-ს 6,2 მილიარდი ევროს (7 მილიარდი დილარი) ინვესტირების გეგმა, იტალის ელექტროსისტემის ფორმირებას. BloombergNEF-ის მონაცემების მიხედვით, 4.8 გიგავატი სიმძლავრის დიდ ნაწილს ქვეყანას მიეწოდება ტუმბოიანი ჰიდროელექტროსადგურებიდან, სადაც წყალი ინახება წყალსაცავში, ენერგიის პიკური მოთხოვნის დროს კი მიეწოდება ტურბინებს.


წყარო: renewableenergyworld.com

 

Mercury დაიწყებს 119 მვტ სიმძლავრის ქარის ელექტროსადგურის მშენებლობას

კომპანია Mercury-მ აიღო ვალდებულება ააგოს პირველი 33 ქარის ტურბინა 60 შეთანხმებულიდან პალმერსტონ-ნორტის მახლობლად ტურიტიში, რაც მნიშვნელოვანი საეტაპო მოვლენაა ახალი ზელანდიის განახლებადი ენერგიის განვითარებაში.

Mercury-ს მთავარი აღმასრულებელი დირექტორი ფრეიზერ ვინრეი (Fraser Whineray) ამბობს, რომ ბაზრის მიმდინარე მოვლენები მიუთითებს, რომ ახალ ზელანდიას ესაჭიროება განახლებადი ენერგიის ახალი სიმძლავრეები, და Mercury მოხარულია გადადგას ნაბიჯები ქარის ელექტროსადგურების განსავითარებლად, რა მიმართულებითაც იგი უკვე 15 წელია მუშაობს. ტურიტის ელექტროსადგურის საშუალო წლიური გამომუშავება იქნება 470 გვტ.სთ. როდესაც გენერაცია მიუერთდება ქვეყნის ენერგოსისტემას, ექსპლუატაციაში შესვლა კი დაგეგმილია 2020 წლის ბოლოს, ტურიტი გახდება სიდიდით მესამე ქარის ელექტროსადგური ახალ ზელანდიაში. ეს იქნება პირველი მსხვილმასშტაბიანი დამატებითი სიმძლავრე ახალ ზელანდიაში 2014 წლის შემდეგ.

მშენებლობის დაწყება დაგეგმილია 2019 წლის აგვისტოში, პროექტის ჯამური ღირებულება შეფასებულია 256 მილიარდ დოლარად.


წყარო: renewableenergyworld.com

 

სარჩევში დაბრუნება

 

რატომ დომინირებენ ლითიუმ-იონური ტექნოლოგიები ენერგიის შენახვის მომავალში

სუფთა ენერგიის სფეროს სპეციალისტები დიდი ხანია ამტკიცებენ, რომ მსოფლიოს სჭირდება უკეთესი ბატარეა, რომელსაც შეეძლება გაფანტოს ელექტრომობილების მყიდველების სკეპტიციზმი და ამუშაოს ენერგოსისტემა განახლებად ენერგიაზე. და მაინც, მომავლის ბატარეა - ყოველ შემთხვევაში მომავალ ათწლეულში - დარწმუნებით შეიძლება ითქვას, რომ იქნება არსებული ბატარეა.

მოკრძალებულმა, ლითიუმ-იონურმა აკუმულატორულ ბატარეამ მოიპოვა ბაზარზე ისეთი წამყვანი პოზიცია, რომ კონკურენტულ ტექნოლოგიებს უჭირთ მისი დაწევა. ეს ლიდერობა მხოლოდ უფრო მეტად მტკიცდება, რადგან უახლოეს ხუთ წელიწადში დაგეგმილია ახალი ლითიუმ-იონური ქარხნების ამოქმედება.

აკუმულატორები, რომლებიც მზადდება ახალ ქარხნებში, ჩინეთში, აშშ-ში, ტაილანდში და სხვა ქვეყნებში, ხელს შეუწყობენ ფასების შემდგომ შემცირებას, რომლების ისედაც შემცირდა 85 პროცენტით 2010 წლიდან. ხოლო ქარხნებზე დახარჯული მილიარდები შექმნიან მძლავრ სტიმულს მრეწველობისთვის, რათა განაგრძოს ლითიუმ-იონური ტექნოლოგიების განვითარება.

მრავალი სტარტაპ-კომპანია ამჟამად ფოკუსირებულია ლითიუმ-იონური აკუმულატორების გაუმჯობესებაზე. ასეთია მასაჩუსეტსში განლაგებული კომპანია Ionic Materials Inc. რომელიც ცდილობს სრულყოს მყარტანიანი აკუმულატორები, რომლებიც ხშრად განიხილება, როგორც ლითიუმ-იონურის ჩამნაცვლებელი. მყარტანიანი აკუმულატორები აპირებენ, გარდა სხვა უპირატესობებისა, ამოიღონ ადვილად აალებადი სითხე, რომელმაც შეიძლება გამოიწვიოს აალება, რაც ზოგჯერ ხდება ნოუთბუქებისა და ავტომობილების ლითიუმის აკუმულატორებში.


წყარო: renewableenergyworld.com
 

 

ნახშირის გამოყენების ეტაპობრივი ჩანაცვლება ბიოენერგიით დანიაში

2015 წელს ელექტროენერგიის ფასებმა დანიაში მიაღწიეს ისტორიულ მინიმუმს, ჰიდრო ელექტროენერგიის და ქარის ენერგიის გამომუშავების მაღალი დონის გამო. მაგრამ რამდენიმე ფაქტორის გაერთიანებამ გამოიწვია ამ ტენდენციის გარდატეხა მომავალ წელს. ენერგოგადაცემის ეროვნული ოპერატორის EnergiNet-ის მონაცემებით, ჩრდილოეთის რეგიონში წყლის მცირე მოცულობებმა, ქარის ცუდი პირობებმა და ნახშირზე ფასების ნახტომისებურმა ცვლილებამ გამოიწვია ელექტროენერგიის ტარიფების 18%-ით გაზრდა 2016 წელს.

პრობლემა ნაწილობრივ იმაში მდგომარეობდა, რომ ქვეყანა იძულებული იყო უფრო მეტად დაყრდნობოდა ნახშრზე მომუშვე მოძველებულ ენერგოობიექტებს. ეს ობიექტები აწარმოებდნენ 21%-ით მეტ ელექტროენერგიას წლის განმავლობაში, როცა ნახშირი ჩვეულებრივზე ძვირი ღირდა, არასაკმარისი მიწოდების გამო. რაც უფრო მნიშვნელოვანია, ეს ეწინააღმდეგებოდა ნახშირბადის ნულოვანი ემისიებისკენ განუხრელი სვლის მტკიცე მისწრაფებას. მოსალოდნელია, რომ 2030 წლისათვის ენერგიის განახლებადი წყაროები შეადგენენ ქვეყნის ენერგომოხმარების არანაკლებ ნახევრისა. 2050 წლისათვის დანია აპრებს გახდეს ნახშირბადის დაბალი ემისიების საზოგადოება, დამოუკიდებელი წიაღისეული საწვავისგან.


წყარო: renewableenergyworld.com

 

 

 

სარჩევში დაბრუნება

 

 

     

ქალაქების ისტორიაში პირველი სამიტი მოუწოდებს ქალაქის ინფრასტრუქტურისადმი კომპლექსური მიდგომისაკენ

სანამ გარემოს დაცვის საკითხებისადმი მიძღვნილ გაეროს ასამბლეაზე წევრი-სახელმწიფოები ღებულობდნენ რეზოლუციას მდგრად ინფრასტრუქტურაზე, ქალაქების სამიტმა აღნიშნა ადგილობრივი ქმედებების მნიშვნელობა და ქალაქის ინფრასტრუქტურისადმი კომპლექსური მიდგომის აუცილებლობა.

ნარჩენების უკვე 60 პროცენტი და რესურსების გამოყენების და სათბურის გაზების ემისიების სამი მეოთხედი მოდის ქალაქებზე, რაც მათ ხდის სწორედ იმ ადგილად, სადაც შეიძლება მდგრადი მოხმარების და წარმოების პრობლემის გადაჭრა. მაგრამ ქალაქების მზარდი მოსახლეობის კეთილდღეობის შენარჩუნება, რომელთაგან ბევრს არ აქვს წვდომა ადექვატურ საცხოვრებელზე და საბაზისო მომსახურებაზე, ისევე მნიშვნელოვანია, როგორც მდგრადი განვითარების მიზნების მიღწევა.

ქალაქის ინფრასტრუქტურისადმი კომპლექსური მიდგომა შეიძლება დაგვეხმაროს გავაკეთოთ როგორც ერთი, ისე მეორე.

სან-პაულოს რაიონ ჯარდიმ ჰელიანში დაახლოებით 14,000 ადამიანი ცხოვრობს არაფორმალურ დასახლებაში, სადაც უგეგმო ხასიათის ქმედებებმა გამოიწვია აშკარა პრობლემები.

მდგრადი ქალაქების პროგრამა და გაეროს გარემოსდაცვითი პროგრამა ქმნიან კომპლექსურ „სამეზობლო მიდგომას“, რომელიც წყვეტს მრავალ ეკოლოგიურ პრობლემას, აერთიანებს ადგილობრივ მცხოვრებლებს მთავრობასთან და რთავს მათ პრობლემებს ქალაქის გეგმაში. ამ ჩარევის წყალობით ცხოვრების წესი უკვე ხდება უფრო მდგრადი.


წყარო: unenvironment.org

 

  

 

ბუნებრივ სამყაროს შეუძლია გვიხსნას კლიმატური კატასტროფისგან

კლიმატოლოგების უმეტესობა ეთანხმება იმ აზრს, რომ უკვე ძალზე გვიანია თავიდან ავირიდოთ გლობალური დათბობის ზრდა 1,5°С-ით და მეტით, მხოლოდ სათბურის გაზების ემისიების შემცირების გზით. ხვალვე რომ ნულამდე შევამციროთ ემისიები. ჩვენ სავარაუდოდ მაინც გადავლახავთ კრიტიკულ ტემპერატურულ ზღვარს. კატასტროფის სრული სპექტრის თავიდან ასაცილებლად ჩვენ არა მარტო უნდა მოვახდინოთ ეკონომიკის დეკარბონიზაცია უმოკლეს დროში, არამედ შევამციროთ უკვე გამოფრქვეული ნახშირორჟანგის რაოდენობაც.

მაგრამ როგორ? ყველაზე ცნობილი შეთავაზებული მეთოდი ცნობილია, როგორც ბიოენერგეტიკა ნახშირბადის ჩაჭერით და შენახვით (BECCS). ეს გულისხმობს მერქნის ან ჩალის მოყვანას პლანტაციებში, მათ დაწვას ელექტროსადგურებში ელექტროენერგიის მისაღებად, გამოფრქვეული გაზებიდან ნახშირორჟანგის ჩაჭერას და მის ჩამარხვას გეოლოგიურ ფორმაციებში. თუმცა, თუ ამას მასშტაბებში წარმოვიდგენთ, ამან შეიძლება გამოიწვიოს ეკოლოგიური ან ჰუმანიტარული კატასტროფა.


წყარო: theguardian.com

 

 

სარჩევში დაბრუნება

 

 

 

ძლიერი წყალმოვარდნების რისკი ქ. თბილისში ნ. ჟვანიას ქუჩაზე (ვარაზისხევი)

2015 წლის 13 ივნისს მდ. ვერეს წყალმოვარდნით გამოწვეული კატასტროფის ანალიზმა ცხადყო, რომ მსგავსი შედეგების მომტანი წყალმოვარდნების ხდომილობის ალბათობა ქ. თბილისის საზღვრებში, მდ. მტკვრის სხვა შენაკადებზეც, საკმაოდ მაღალია. აღნიშნულის გათვალისწინებით, CENN-მა საჭიროდ ჩათვალა ქ.თბილისში მდ. მტკვრის სხვა შენაკადებისთვისაც დამახასიათებელი ჰიდროდინამიკური და მორფოდინამიკური პირობების ვიზუალური შეფასების აუცილებლობა. ჩატარებული დაკვირვებების შედეგები აისახა ორგანიზაციის მიერ 2016 წ. გამოქვეყნებულ პუბლიკაციაში „თბილისის ბუნებრივი კატასტროფები“.

პუბლიკაციის სრულად სანახავად, გთხოვთ ეწვიოთ შემდეგ ბმულს.

 

EUBCE 2017 - ევროპის ბიომასის კონფერენციის და გამოფენის დოკუმენტები

საერთაშორისო ენერგეტიკულმა ქარტიამ გამოაქვეყნა 2017 წლის წლიური ანგარიში 
 

 

სარჩევში დაბრუნება

 

 

ოფშორული ქარის ენერგიის გლობალური სამიტი

ტაიპეი, ტაივანი

24-25 აპრილი, 2019



AWEA Windpower 2019

ჯორჯ ბრაუნის საკონფერენციო ცენტრი, ჰიუსტონი, აშშ

20-23 მაისი, 2019

 

ელექტროავტომობილების დამუხტვა

4 - 5 ივლისი 2019, ლონდონი

ტელ. +6325 0254 ან ელ-ფოსტა: reanne@infocusinternational.com


Intersolar Europe 2019

კონფერენცია და გამოფენა

თარიღი: 15 - 17 მაისი, 2019

ადგილი: Messe München, მიუნხენი, გერმანია

 

EUROPE SOLAR + ენერგიის შენახვის კონგრესი 2019

23 - 24 მაისი, 2019 წ.

რომი, იტალია


განახლებადი და ალტერნატიული ენერგიები

26 - 29 აგვისტო 2019, დუბაი | 18 - 21 ნოემბერი 2019, სინგაპური

ტელ. +6325 0254 ან ელ-ფოსტა: reanne@infocusinternational.com

 

სარჩევში დაბრუნება