1. SOCAR-მა საქართველოს მაგისტრალური გაზსადენის აქციათა შეძენის სურვილის შესახებ ოფიციალურად განაცხადა

2. გერმანულმა RWE-მ „ნაბუკოს" გაზსადენი „გაზპრომზე" "არ გაცვალა"

3. ეგვიპტე პანარაბული გაზსადენის "ნაბუკოსთან" მიერთების საკითხს განიხილავს

4. აბუ-დაბის ფონდი „ნაბუკოს" გაზსადენისადმი ინტერესს გამოხატავს

5. საქართველოს მაგისტრალური გაზსადენის პრივატიზებით დაინტერესებასთან დაკავშირებით "გაზპრომმა" კომენტარი გააკეთა

6. „თელასმა" განაცხადა, რომ 2015 წლამდე ელექტროენერგიის სამომხმარებლო ტარიფის გაზრდას არ გეგმავს

7. მაისში ელექტროენერგიის ექსპორტმა წლის მაქსიმუმს მიაღწია

8. msoflioSi yvelaze meti mzis sadguri espaneTSia

9. didi britaneTSi qaris da mzis energiis mcire sadgurebis mflobelebisaTvis sakonsultacio jgufi Seiqmna

10. 2050 wels germaniaSi wiaRiseuli sawvavis gamoyeneba aRar iqneba saWiro

11. Sotlandiasa da inglisSi naxSirbadis emisiis Semcirebis mizniT axal avtobusebs SeiZenen

12. ბორჯომ-ხარაგაულის ეროვნულ პარკში ველო-ტური მოეწყო

13. publikaciebi

14. RonisZiebebi

 

 

 

SOCAR-მა საქართველოს მაგისტრალური გაზსადენის აქციათა შეძენის სურვილის შესახებ ოფიციალურად განაცხადა

აზერბაიჯანის სახელმწიფო ნავთობკომპანია (SOCAR) დიდ ინტერესს გამოხატავს საქართველოს მაგისტრალური გაზსადენის აქციათა შეძენასთან დაკავშირებით, - ამის შესახებ SOCAR Energy Georgia-ს გენერალურმა დირექტორმა მაირ მამედოვმა განაცხადა.

როგორც აზერბაიჯანული საინფორმაციო სააგენტო "ტრენდი" მამედოვის განცხადებაზე დაყრდნობით წერს, SOCAR-ი ამ საკითხთან დაკავშირებით ჯერ-ჯერობით მოლაპარაკებებს არ აწარმოებს, თუმცა თვალყურს ადევნებს პროცესებს, ვინაიდან ეს პროექტი SOCAR-ისთვის მნიშვნელოვანია.

 

wyaro: jorjian biznes konsaltingi

 

გერმანულმა RWE-იმ „ნაბუკოს" გაზსადენი „გაზპრომზე" "არ გაცვალა"

გერმანული გაზეთის Handelsblatt-ის ინფორმაციით, „გაზპრომის" მმართველობის თავმჯდომარის მოადგილე ალექსანდრე მედვედევსა და გერმანული ენერგეტიკული კონცერნის RWE მთავარ სტრატეგს ლეონჰარდ ბირნბაუმს შორის სატელეფონო საუბარი უშედეგოდ დასრულდა.

Handelsblatt-ის ინფორმაციით, საუბრის ძირითადი თემა კონცერნის რუსულ გაზსადენის პროექტთან „სამხრეთის ნაკადი" მიერთებას შეეხებოდა.

RWE-ის ოფიციალურმა წარმომადგენელმა მიხაელ როზენმა „ვრემია ნოვოსტეისთან" საუბრისას განაცხადა, რომ „ნაბუკო" ამ ეტაპისთვის ერთადერთი პერსპექტიული და ეკონომიკურად დასაბუთებული ინიციატივაა, რაც ევროპაში გაზის მიწოდების  დივერსიფიცირებას უზრუნველყოფს.

 

wyaro: jorjian biznes konsaltingi

ეგვიპტე პანარაბული გაზსადენის "ნაბუკოსთან" მიერთების საკითხს განიხილავს

ეგვიპტე პანარაბული გაზსადენის „ნაბუკოს" გაზსადენთან მიერთების საკითხს განიხილავს. ამის შესახებ აზერბაიჯანულ საინფორმაციო სააგენტო „ტრენდს" ეგვიპტის ნავთობის მინისტრმა სამი ფაჰმი ამინმა განუცხადა.

„ტრენდის" ინფორმაციით, აღნიშნულ საკითხთან დაკავშირებით ფაჰმი ამინმა შეხვედრები „ნაბუკოს" აქციონერებთან უკვე გამართა. „ეგვიპტე ამ პროექტის ერთ-ერთი კოორდინატორია", - აღნიშნა ფაჰმი ამინმა.

გარდა ამისა, ეგვიპტე, ლიბანთან, იორდანიასთან და სირიასთან ერთად, პანარაბული გაზსადენის ერთ-ერთი მონაწილეა.

 

wyaro: jorjian biznes konsaltingi

 

აბუ-დაბის ფონდი „ნაბუკოს" გაზსადენისადმი ინტერესს გამოხატავს

აბუ-დაბის სახელმწიფო სანავთობო ფონდი International Petroleum Investment Company (IPIC), „ნაბუკოს" გაზსადენის პროექტით დაინტერესდა. ამის შესახებ ინფორმაციას აზერბაიჯანული საინფორმაციო სააგენტო day.az-ი კომპანიაში წყაროზე დაყრდნობით ავრცელებს. როგორც day.az-ს განუცხადეს, საუბარია ინტერესზე „ნაბუკოს" გაზსადენის აქციათა პაკეტის შეძენის თაობაზე.

IPIC-ი, აბუ-დაბის ნაციონალური სახელმწიფო სანავთობო კომპანიაში სანავთობო და ქიმიურ სექტროში უცხოური ინვესტიციებზე არის პასუხისმგებელი.

დღეისათვის „ნაბუკოს" პროექტში აქციონერები არიან ავსტრიული კომპანია OMV, უნგრული კომპანია MOL, ბულგარული Bulgargaz, რუმინული Transgaz, თურქული Botas და გერმანული RWE. თითოეულ მათგანს პროექტში აქციათა 16,67%-იანი წილები გააჩნია.

 

wyaro: jorjian biznes konsaltingi

საქართველოს მაგისტრალური გაზსადენის პრივატიზებით დაინტერესებასთან დაკავშირებით "გაზპრომმა" კომენტარი გააკეთა

როგორც სომხურ საინფორმაციო სააგენტო news.am-ს "გაზპრომიდან" აცნობეს, კომპანია საქართველოს პარლამენტისაგან საბოლოო გადაწყვეტილებას და გაზსადენის საპრივატიზაციო ობიექტთა ნუსხაში შეტანას ელის.

"მაგისტრალური გაზსადენის მფლობელი კომპანიის აქციათა 10-15%-ის შეძენის შესახებ გადაწყვეტილების მისაღებად, აუცილებელია ტექნიკურ-ეკონომიკური დასაბუთების ფარგლებში ანალიზის გაკეთება. მიღებული შედეგებით გაკეთდება დასკვნა, რამდენად რაციონალურია გაზსადენის წილის შეძენა" , - განაცხადეს "გაზპრომში".

საქართველოს მთავრობის გეგმების შესახებ გაზსადენის მფლობელი კომპანიის აქციათა 10-15%-ის გაყიდვის თაობაზე, პრემიერ-მინისტრმა ნიკა გილაურმა 2 ივლისს პარლამენტში გამოსვლისას განაცხადა. გილაურმა დააკონკრეტა, რომ აქციები ლონდონის საფონდო ბირჟაზე პირველადი განთავსების გზით გაიყიდება და ეს პროცესი მომავალ წლამდე არ დაიწყება.

 

wyaro: jorjian biznes konsaltingi

 

„თელასმა" განაცხადა, რომ 2015 წლამდე ელექტროენერგიის სამომხმარებლო ტარიფის გაზრდას არ გეგმავს

თბილისის ელექტროგამანაწილებელი კომპანია „თელასი" 2015 წლამდე ელექტროენერგიის სამომხმარებლო ტარიფის გაზრდას არ გეგმავს.

ამის შესახებ კომპანიის გენერალური დირექტორის მოვალეობის შემსრულებელმა მამუკა ქობალიამ განაცხადა. ქობალიას განმარტებით, სატარიფო განაკვეთების გადახედვასთან დაკავშირებით „თელასს" მარეგულირებელი კომისიისთვის არ მიუმართავს. მისივე თქმით, ტარიფის სტაბილურობას კომპანიასა და სახელმწიფოს შორის გაფორმებული ხელშეკრულება უზრუნველყოფს.

2006 წლის 1 ივნისიდან თბილისში სააბონენტო ტარიფი დიფერენცირებულია. კერძოდ, 100 კვტ.საათის-ის ჩათვლით, 1 კვტ.საათზე 13,480 თეთრი მოქმედებს, 101 კვტ.საათიდან 300 კვტ.საათის ჩათვლით, 1 კვტ.საათზე - 16 თეთრი, ხოლო 301 კვტ.საათი და მეტი, 1 კვტ.საათზე - 17,697 თეთრი.

მაისში ელექტროენერგიის ექსპორტმა წლის მაქსიმუმს მიაღწია

ენერგეტიკის სამინისტროს ინფორმაციით, მაისში ექსპორტირებულმა ელექტროენერგიამ 252,7 მლნ. კვტ.საათი შეადგინა. აპრილში ეს მაჩვენებელი 206,7 მლნ. კვტ. საათი იყო, მარტში - 77,2 მლნ. კვტ. საათი, თებერვალში - 30,2 მლნ. კვტ. საათი, ხოლო იანვარში - 36,2 მლნ. კვტ. საათი

სამინისტროს ვებ-გვერდზე გამოქვეყნებული სტატისტიკით, იანვარ-მაისში ქვეყანაში გენერირებული და იმპორტირებული ელექტროენერგიის მოცულობამ 4,358 მლრდ. კილოვატსაათი შეადგინა.

საანგარიშო პერიოდში მარეგულირებელმა სადგურებმა 2,668 მლრდ. კვტ. საათი ელექტროენერგია გამოიმუშავეს, სეზონურმა სადგურებმა - 1,410 მლრდ. კვტ. საათი, ხოლო თბოსადგურების მიერ გენერირებული დენის მოცულობამ 275,5 მლნ. კვტ. საათი შეადგინა.

 

wyaro: jorjian biznes konsaltingi

 

Sotlandiasa da inglisSi naxSirbadis emisiis Semcirebis mizniT axal avtobusebs SeiZenen

 

inglisis da Sotlandiis transportis saministroebis erToblivi gadawyvetilebiT 18.4 mln. funti gamoiyo 150 axali avtobusis SesaZenad. axali avtobusebi 30%-iT nakleb sawvavs moixmaren da Sesabamisad naklebia naxSirbadis emisiac.

 

wyaro: energoefeqturobis siaxleebi

 

ბორჯომ-ხარაგაულის ეროვნულ პარკში ველო-ტური მოეწყო

გარემოს დაცვისა და ბუნებრივი რესურსების სამინისტროს დაცული ტერიტორიების სააგენტოს ინიციატივით, ბორჯომ-ხარაგაულის ეროვნულ პარკში ველო-ტური გაიმართა, რომელშიც ექსტრემალური ფედერაციის და თბილისის მერიის ველოსპორტის სპეციალიზირებული სპორტული ცენტრის 20-მდე წარმომადგენელი მონაწილეობდა.
ველო-ტურმა სტარტი ბორჯომ-ხარაგაულის ეროვნული პარკის ადმინისტრაციიდან - ნიკოლოზ რომანოვის ტურისტული ბილიკიდან აიღო. ტურის მიზანია ბორჯომ-ხარაგაულის ეროვნულ პარკში დანერგილი ახალი ტურისტული სერვისის - სამთო ველოსიპედით სეირნობის პოპულარიზაცია.

 

wyaro: saqarTvelos agremosdacvis saministros vebgverdi